नगर तालुका | प्रतिनिधी
public issue: नगर तालुक्यातील शासकीय स्वस्त धान्य दुकानांमध्ये नागरिक व केंद्र चालकांना विविध अडचणींना सामोरे जावे लागत आहे. या पार्श्वभूमीवर तहसिलदार संजय शिंदे यांना माजी उपसभापती डॉ. दिलीप पवार आणि माजी सभापती रामदास भोर यांच्या उपस्थितीत निवेदन सादर करण्यात आले.
✅ मुख्य मागण्या
-
पुरवठा यादीत नावे समाविष्ट करण्यात होत असलेला विलंब दूर करावा:
ग्रामसभेत नावे देऊनही मंजुरीस विलंब होतो. त्यामुळे लाभार्थ्यांना महिनोंमहिने शिधा मिळत नाही.
-
बायोमेट्रिक मशिनवर ठसे न उमटणाऱ्या ज्येष्ठ नागरिकांसाठी पर्यायी उपाय द्यावेत:
मोबाईल नसलेल्या नागरिकांना OTP प्रक्रिया शक्य नाही, त्यामुळे कागदोपत्री ओळख किंवा इतर उपाययोजना लागू कराव्यात.
-
एकदाच बायोमेट्रिक ठसा घेऊन संपूर्ण शिधा वाटप करण्याची व्यवस्था करावी:
प्रत्येकवेळी स्वतंत्र ठसे घेणे टाळल्यास गर्दी, वाद व गैरसोयी टाळता येतील.
-
KYC पुन्हा पुन्हा करण्याची अट रद्द करावी:
एकदाच केलेली KYC प्रक्रिया वैध राहील, यासाठी स्पष्ट सूचना द्याव्यात.
-
बायोमेट्रिक मशिनमध्ये सर्व्हर व नेटवर्क अडचणींवर उपाय करावेत:
सर्व्हर डाऊन, नेटवर्क फेल अशा तांत्रिक अडचणींमुळे वितरण ठप्प होते.
-
निकृष्ट साड्यांचे वाटप त्वरित थांबवावे:
साड्यांचा दर्जा अत्यंत खराब आहे. यावर वरिष्ठ पातळीवर अहवाल सादर करण्यात यावा.
-
दुकानदारांना वेळेवर साठा मिळण्याची खात्रीशीर व्यवस्था करावी:
सर्व शिधा साहित्य वेळेवर व नियमितपणे पोहोचले पाहिजे.
या सर्व मागण्यांवर प्रशासनाने त्वरित कारवाई करून स्पष्ट सूचना द्याव्यात, जेणेकरून तालुक्यातील सर्वसामान्य नागरिकांना दिलासा मिळेल, असे या वेळी सांगण्यात आले.
हे हि वाचा : Politics: नरेंद्र मोदींचा 75 वा वाढदिवस; भागवतांचे विधान आणि राऊतांचा टोला
1 thought on “public issue: नगर तालुक्यातील स्वस्त धान्य वितरणात अडचणी; तहसिलदारांना निवेदन सादर”