२१ जून हा दिवस जगभर आंतरराष्ट्रीय योग दिन म्हणून साजरा केला जातो. या दिवशी कोट्यवधी लोक एकत्र येऊन योगाभ्यास करतात. योग ही भारतीय संस्कृतीची मौल्यवान देणगी असून, आता ती संपूर्ण जगाने स्वीकारली आहे.
योग दिनाचा इतिहास
२०१४ मध्ये भारताचे पंतप्रधान नरेंद्र मोदी यांनी संयुक्त राष्ट्रसंघात योग दिनासाठी २१ जूनचा प्रस्ताव मांडला. अवघ्या ९० दिवसांत १७५ देशांनी यास पाठिंबा दिला आणि २१ जून २०१५ पासून योग दिन जगभर साजरा केला जातो.
२१ जून – विशेष का?
२१ जून हा वर्षातील सर्वात मोठा दिवस असतो. भारतीय संस्कृतीत या दिवशी योग, साधना आणि अध्यात्माला विशेष महत्त्व आहे. म्हणूनच योग दिनासाठी हा दिवस निवडण्यात आला.
योग म्हणजे काय?
योग म्हणजे मन, शरीर आणि आत्मा यांचा समतोल. योगाभ्यासामुळे केवळ शरीर नव्हे तर मनही शांत होते, आणि एकाग्रता वाढते. ध्यान, प्राणायाम, आणि विविध आसनांचा अभ्यास म्हणजेच योग.
योगाचे फायदे
शारीरिक तंदुरुस्ती व लवचिकता- मानसिक शांती व तणावमुक्ती
- रोगप्रतिकारक शक्ती वाढते
- रक्तदाब व साखर नियंत्रणात ठेवतो
- झोपेची गुणवत्ता सुधारतो
कोरोना काळातील योगाचे महत्त्व
कोरोना महामारीच्या काळात प्राणायाम आणि ध्यान यांचा सराव हा रोगप्रतिकारशक्ती वाढवण्यासाठी उपयुक्त ठरला. जगभरातील डॉक्टर व संशोधकांनीही हे मान्य केले आहे.
दररोजचा योग – एक सवय, एक आरोग्य
आजच्या दिवशी फक्त एकदा योग करण्याऐवजी, दररोज २०–३० मिनिटांचा योग सराव अंगीकारा. हेच या दिवसाचे खरे सार्थक आहे.
तुम्ही आज योग केला का? तुमचा अनुभव कमेंटमध्ये शेअर करा आणि हा लेख मित्रांसोबत WhatsApp व Facebook वर शेअर करा.
